سرینگر نومبر 13 :بھارت کے غیر قانونی زیر تسلط جموں و کشمیر پلوامہ کے علاقہ یلورہ پلوامہ میں قریب7ماہ سے گرفتار3نوجوانوں پر کالا قانوں پبلک سیفٹی ایکٹ عائد کرکے انہیں کوٹ بھلوال جیل جموں منتقل کردیا گیا ہے۔ ادھر شوپیان ضلع کے ترکہ وانگام گاﺅں میں بھارتی فورسز آپریشن 43گھنٹے کے بعد ختم کیا گیا۔ پولیس ذرائع نے بتایا کہ آصف علی ولد علی محمد ڈار، مصدق احمد لون ولد عبدالغفار اور عیاش عزیز ڈار ولد عبدالعزیز ساکنان نیلورہ لتر پلوامہ پر بدھ کو سیفٹی ایکٹ عائد کیا گیا اور انہیں بدھ کی شب ہی جموں منتقل کردیا گیا۔ان تینوں کو 21اپریل کو گرفتار کیا گیا تھا۔ادھر ترکہ وانگام زینہ پورہ میں گاﺅں میں بھارتی فوجیوں کا تلاشی آپریشن کیا گیا، جو بدھ اور جمعرات دو دن تک جاری رہا۔ منگل کی شب قریب 11 بجے ترکہ وانگام میں 44 آر آر،178 بٹالین سی آر پی ایف اور پولیس کے سپیشل آپریشن گروپ نے گاﺅں کی ناکہ بندی کی اور بدھ دن بھر گھر گھر تلاشی لی
پلوامہ میں گرینیڈ دھماکہ